Mezela komîye ya ke verê Mezelanê Şerfedîna Şengalî de bi, karê kinitîşî qedîya. Esteyê cangorîyanê fermanî ameyî vetene û pey testê DNAyî erşawîyayî sazîya tibê edlî.
Karê cigêrayîş û kinitîşî yê mezela komîye yê Mezelanê Şerfedîne yê dewa Sinûnê ya Şengalî qedîya. Sazîya Şehîdan eşkera kerd ke karê kinitîşî yo ke hetê Daîreya Pawitiş û Goranê Sedserre û Windayan ra 6 rojî verê ci dest pêkerdbî, rest peynîye.
Roja şeşîne û peyêne ya kinitîşê mezela komîye de tîmanê pispor, teknîkî û edlîyan ê daîreyî dest bi prosesê hesase û giranî ya wedartişê meyîtdanê cangorîyan kerd. No kar zî goreyê pîvan, rêz û protokolanê teknîkî û edlîyanê mîyanmeteweyî ke rûmet û nirxanê qurbaniyan paweno, ame kerdeni.
Dima ke meyîtî bi xebateka zanistî û pawitişî ameyî wedartene, bi rêya zabitnamanê fermîyan û belgekerdişê qanûnî bi temamî teslîmê nûneranê Daîreya Tibê Edlî yê Wezareta Tenduristîyî ameyî kerdenê. Amanc oyo ke merkezê pêroyî ê Daîreya Tibê Edlî sey qonaxê peyênî ê cigêrayîşî bêrê temamkerdeni.
Na qonaxe de zî do meyîtan ra nimûneyê esteyan bêrê girotene ke testê DNAyî bêro kerdene û nê daneyê biyolojîkî bi ê keyeyanê şehîdan de bêrê dayene. Amancê nê prosesî oyo ke nasnameyanê nê şehîdan tespît bikero û ay ra dima zî bido keyeyanê înan ke ey zî goreyê urf û adetanê xo nê şehîdan ra xatir biwazê û wedarê.
Roja peyêne ya karê kinitîş û wedartişê meyîtanê cangorîyan de hetê karê teknîkî û asta amayoxe ser sazîya elaqedare derheqê hetanê komelî û merdimîyan ê babete de agahîya hîrayî daya keyeyanê qurbanîyan û rêxistinanê komelanê sîvîlan. Ame eşkerakerdene ke nê gamî zereyê siyasetê şefafîye de ameyê eştene ke Sazîya Şehîdan rêberîya ci kena.
Mezelê komelî yê verê Mezelanê Şerfedîne zê cayêko dîyîn yeno hesibnayene ke demanê verênan de meyîtê pîrozî ê şehîdan goranê Xanesor, Berdîyê û cayanê bînan ê qezaye ra ameybî wedartene û bi hewayêko demkî tede ameybî ronayene.
