Şaxanê Amedî yê Egîtîm-Senî, encamê Pêşbirka Wêneyanê Ceylan Onkole ya 17ine, 20ê Teşrîna Peyêne, Roja Dinyayî ya Mafanê Domanan de, bi eşkerayîyêk eşkera kerdî.
Şaxê Amedî yê Sendîkaya Karkerê Perwerde û Zanistî (Egîtîm-Sen), 20ê Teşrîna Peyêne, Roja Dinyayî ya Mafanê Domanan seba, encamê Pêşbirka Wêneyanê Ceylan Onkole ya 17ine raya pêroyî reyde pare kerdî. Eşkerayîye de ame destnîşankerdene ke viraştişê verarojêka ewle, seypê û azade seba domanan, û perwerdeya bi ziwanê dayîke, heqa tewr bingeyin a.
Eşkerayîye de ame vatene ke gerek yew doman nêbo qurbanê polîtîkayanê şer û tundîyî; û ame vatene: “Cayê vengê teqayîşan de, gerek erdnîgarîyêk bêro viraştene ke meydan û kuçeyê ci de vengê huyayişê domanan ê şadan bêro. Caardişê na yewe, berpirsîyarîya ma pêrune ya dîrokî ya. Ma, Ceylan Onkole de, heme domanê ke mafê ciwîyayîşê înan ame girewtene, bi rêz yad kenê.”
Namê wendekaranê ke Pêşbirka Wêneyanê Ceylan Onkole ya 17ine de serkewtî nê yê:
Asta mektebê bingeyî de:
- Dilda Yuce
- Siraç Kurt
- Rubeyda Kuray
Asta mektebê mîyanênî de:
- Dîlan Taşan
- Nupelda Guneş
- Azra Betul Çokur








