ELDH qanûno newe ke çarçewaya Prosesê Haştîye û Komelê Demokratîkî de kewt dewre sey, “Gamêka verên a muhîme la hesase” erjna.
Komela Demokrasi û Avûkatanê Heqanê Merdiman ê Dinya ya Ewropa (ELDH) ard ziwan ke qanûnê çarçewa yê “Xurtkerdişê Paştdayîşê Neteweyî û Pêardişê Komelkî” seba meseleya kurdan muhîm a la tena xo ser seba haştîya mendî qîm nêkena.
ELDHyî veng da ke wa qanûn sey destpêkerdişêkê neweyî bêro destgirewtene û prosesêkê pêardişî yo hîra bêro averberdene. Komele waşt, wa waranê nasnameye kurdan, heqê ziwan û kulturî, hemwelatîya seypêyî, tewrbîyayîşê sîyasîyî, azadîya îfade û rêxistinbîyayîşî û huqûqî de reform bêrê kerdene.
Eşkerayîye de ame vatene ke wa proses tena bê ronayîşê çekan û newe ra entegrasyonî nêro sînordarkerdene û ame vengdayene ke wa tepişteyî, kesê ke yenê muhakemekerdene û kesê ke surgun de yê wa ê zî tewrê prosesî bibê.
ELDHî reyna waşt wa heqê hêvî seba Rayberê Şarê Kurd û kesanê ke rewşa înan seyciya ya wa çarçeweya Pêkerdişê Heqanê Merdiman ê Ewropa de bêro destgirewtene.
Komele veng da ke welatanê Ewropa zî û waşt muhakemekerdişê ke girêdayeyê pêkewtişan, qedexeyê dekewtişî, îkamet û tengkerdişê têgêrayîşî û qerarê tebersinorkerdişî wa newe ra bêrê erjnayene.
