Dr. Nelly Jazra îfade kerd ke cigêrayîşê cinîyanê kurdan ê seba heqanê xo bi têkoşînê vera kolonyalîzmî yeno kerdene û vat: “Cinîyê kurdî tena dest nêerzenê çekan, komelî zî vurnenê.”
Akademîsyena lubnanije Dr. Nelly Jazraya ke binê sîwana Komîsyonê Ewropa de xebitîyena, nuştoxa kitabê ‘Têkoşînê Cinîyan’ nuştbî. Kitab de aye bale antbî xoverdayîşê cinîyan ê kurdan ser o. Dr. Nelly Jazra ajansê ANF’yî rê qisey kerd.
Dr. Nelly Jazra ard ziwan ke têkoşînê şarê kurdî xeylê wext dewam kerd û cinîyê kurdî zî tim tewrê nê têkoşînî bîyî. Dr. Nelly Jazra vat: “Ez kitabê xo de bi taybetî bala xo dana ney ser ke cinîyanê kurdan xo rêxistin kerd û seba heqanê xo têkoşîn kerd. Cinîyê kurdî bi têkoşînê xo dinya rê bîyî nimûne.
Cinîyanê kurdan tena dest nêeşt çekan, ê komelî zî vurnenê. Cinîyê kurdî wazenê ke estbîyayîşê xo bidê qebulkerdene.”
Dr. Nelly Jazra derheqê xoverdayîşê cinîyanê Îranî û Rojhelatê Kurdîstanî de vat: “Rewşa cinîyanê Îranî zehmet a la ê zaf bi cesaret ê. Qetilkerdişê Jîna Emînî bi sebeb ke têgêrayîşêko xurt dest pêbikero û bêşik şarî paştîya pîle dano nê têgêrayîşî. Cinîyî vera seregirewtişî sere wedarnenê. Têkoşînê cinîyan dewam keno.”
Dr. Nelly Jazra peynîya qiseykerdişê xo de îfade kerd ke heqê cinîyan ê Rojawanê Kurdîstanî vera teda û serewarardişî eşkenê ameyoxê cinîyan ê Sûrîye rê bibê nimûne.
