Ame dîyarkerdene ke Sekreterê Pêroyî yê Neteweyanê Yewbîyayeyan (NY) Antonîo Guterres bi amancê ‘piştgîrîya’ seba derbazbîyayîşê sîyasî yê Sûrîye do mîyanê nê hewteyî de şêro Sûrîye.
Hetkarê Temsîlkarê Taybet ê Neteweyanê Yewbîyayeyan ê Sûrîye Claudîo Cordone kombîyayîşê Konseya Ewlekarî ya Neteweyanê Yewbîyayeyan de da zanayene ke Antonîo Guterres davwetkerdişê hukmatê Sûrîye ser o do no hewte şêro zîyaretê nê welatî.
Yeno pawitiş ke demê zîyaretî de Antonîo Guterres Serekkomarê demkî Ahmed el Şara reyde pêvînayîş bikero ke dimayê rijîyayîşê rejîmê Bassî yê kanûna 2024î ame îqtîdar.
Ame zanayîş ke programê Sekreterê Pêroyî yê NY’yî de pêvînayîşê bi temsîlkaranê rêxistinanê cinîyan, sazgehanê komelê sivîlî û derûdoranê komelkî yên cîyayan zî est o.
Sewbîna yeno pawitiş ke Antonîo Guterres bi personelanê Hêzê Aştî yê Neteweyanê Yewbîyayeyan reyde zî bêro têhet ke serra 1974î ra heta ewro herêma tamponî ya Girê Golanî de wezîfedar ê.
