Rayberîya Herêmî ya DEM Partî eşkera kerd ke înan derheqê hemşaredarê Tetwanî Mumîn Erolî de cipersayîş dayo dest pêkerdene.
Rayberîya Herêmî ya DEM Partî eşkerayîyêk daye û dîyar kerd ke înan derheqê hemşaredarê qezaya Tetwanî ya Bedlîsî Mumin Erolî de cipersayîş dayo destpêkerdene. Eşkerayî de ame vatene ke seba rayraberdişêko raşt û bêhet yê cipersayîşî, wezîfeyê hemşaredarî yê Mumîn Erolî ameya vindarnayene.
Rayberîya Herêmî eşkerayîya xo de wina vat: “Derheqê Hemşaredarê Tetwanî Mumîn Erolî de prosesêko dîsîplînî ameyo dest pêkerdene. Seba ke no proses bi hawayêko rast û bêhet bêro rayraberdene, wezîfeyê hemşaredarî yê Mumîn Erolî, sey tedbîr, ame vindarnayene.
Prosesê dîsîplînî do wextêko tewr nêzdî de bêro netîcekerdene û eşkerayîyêka lazim do raya pêroyî reyde bera vilakerdene.”
