Rêxistinê DBP’yî yê Amedî seba tewrê rayraşîyayîşê 1ê êlule yê Roja Aştî ya Dinya vengdayîş kerd. Veng dîya şarê Amedî ke 1ê elule de seba azadîya fîzîkî ya Rayberê Şarê Kurdî, seba azadîya şarê kurdî û aştîyêka domdare vejîyê meydanan û vengê xo berz bikerê.
Bi rayberîya Platformê Sazgehanê Demokratîkan seba 1ê êlule Roja Aştî ya Dinya, bi sloganê “Bi Rayberîya Azade ver bi Aştîye” yew rayraşîyayîş bêro kerdene. Rayraşîyayîş saete 18:00 de verê bînaya Partîya Têduştî û Demokrasî ya Şaran (DEM Partî) ya Rezanî de dest pêbikero û hetanî Plazaya AZC ya Semtê Ofîsî yê Amedî dewam bikero.
Rêxistina Partîya Herêmanê Demokratîkan (DBP) yê qezaya Yenîşehîrî yê Amedî seba rayîrşîyayîşî 1ê êlule verê bînaya xo de eşkerayî da û seba tewrê rayraşîyayîşî veng da. Endam û rayberê DBP’yî, temsîlkarê sazgehanê sivîlan û zaf kesî tewrê vengdayîşî bîyî. Hemsereka DBPyî ya Amedî Rûçem Vefa Elyakûte seba tewrê rayîrşîyayîşî 1ê êlule veng da şarî û nê çîyî vatî: “Şarê Amedî yo erjîyaye û birûmet, 1ê êlule de seba aştîyêka domdare û komelêko demokratîk, ma do bi sloganê ‘Bi Rayberîya azade ver bi aştîye’ yew rayîrşîyayîş bivirazê.
Rayîrşîyayîş saete 18:00 de verê bînaya rêxistina Rezanî yê DEM Partî de dest pêbikero û hetanî verê Plazaya AZC ya semtê Ofîsî dewam bikero. Seba azadîya fîzîkî ya Rayberê Şarê Kurdî, seba azadîya şarê Kurdî û seba aştîyêka domdare, ma vejîyê meydanan û vengê xo berz bikerê.”
