Maya Omer Hayrî Konarî Zeynep Konare cuya xo vîndî kerde. Omer Hayrî Konar Girawa Îmrayî de Rayberê şarê Kurdî Abdullah Ocalan reyde girewteyo.
Dayîka Omer Hayrî Konar o ke hepisxanêyê Îmraliyî de Rayberê Şarê kurdî Abdullah Ocalan reyde girewte yo, Zeynep Konare 94 serrîya xo de cuya xo vîndî kerde. Zeynep Konare demêko derg o ke nêweşxane de ameyene dermankerdene vizêrî şan de rehmet kerd. Cenazeya Zeynep Konare ewro Goristanê Asrî yê Xarpêtî de ameyê definkerdene.
Waştenê peyênê ya Zeynep Konar na bî ke lajê xo bivîno û wina vat bî: “Lajê mi hişê mi ra qet nêvejêno ke ez vajî mi bêrîya ey kerda. Bi hesreta lajê xo ez bermena. Ez wazena şorî lajê xo bivînî la nêmojnenê mi. 15 serrî (17 serre) yo ke ez lajê xo nêvînena. Badê ke hepisxaneyê Meletî ra vejîya mi endî lajê xo qet nêdî. Ez çîyek nêvana, ez mirena. Wereka mi qisey bi kerdêne çîyê zereyê xo bi eştêne teber. Wexto ke behsê ey beno canê mi dejeno.”
