Tepiştîya sîyasîye Mahbube Şebanî ya ke bi protestoyan de birîndarî pê motosîklete bêrdî merkezanê weşîye yena sûcdarkerdene, îdamî rê ameye mehkumkerdene.
Rêxistina Heqanê Merdiman a HRANA raporê xo de da pêhesnayene ke tepiştîya sîyasîye Mahbube Şebanî (33) ya ke protestoyan de yê ke çeleyê 2026 de Îran de ameyî kerdene, ameyî tepiştene û hetê Mehkemeya Şorişî ya Meşhedî ra cezaya idamî rê ameye mehkumkerdene.
Ame vatene ke mehkeme Mahbube Şebanî bi sûcdarîya ‘endamîya grûbanê muxalîfan’ mehkum kerd.
Mahbube Şebani 2ê sibatî de hetê hêzanê Muhafizanê Şorişî yê Îranî ra Meydanê Azadî yê Meşhebî de bi zorî ameybî destbendkerdene, motosîkleta ci ameybî destsernayene û badê tepiştişî Zîndanî Vekîl Abadî rê ameybî neqlkerdene.
Avûkatanê Mahbube Şebanî rê vizêr bi teblîgatêkê fermî dîya zanayene ke Şebane cezaya îdamî rê ameye mehkumkerdene.
