Hûmara 11. a rojnameyê Azadîya welatî bi manşetê “Qadên azadî û yekîtiyê” vejîya.
Rojnameyê Azadîya Welat ke hewtane yeno çapkerdene, na hûmara xo ya 11. de ca da pîrozkerdişê Newroze û mesajanê ke waran de vejîyayê vernî. Rojnameyî mesajê Rayberê Şarê Kurdî Abdullah Ocalanî ke seba Newroza Amedî erşawitbi, vet vernî. Rojname no hewte bi manşetê “Qadên azadî û yekîtiyê” resa destê wendekaran. Reyna ca da dîmenanê ke waran de vejîyayê vernî û sewbîna zî mesaj û waştişanê bi mîlyonan Kurdîstanijan ke waran de vatê, vetê vernî.
Rojnameyî rîpelê cinîyan de erjnayîşê Fermandara YPJ’yî Sarya Efrîn ê derheqê entegrasyonê mîyanê artêşa Sûrîya de ke bale ant rolê cinîyan ê mîyanê artêşe ser o. Reyna eynî rîpelî de ca dayo meqaleya Nuştox Mulkîye Bîrtane ya bi sernameyê ‘Sîyaseto demokratîk û jinelojî.’ Rojnameyî rîpelê xeberan de hîna zaf ca da mesajê Rayberê Şarê Kurdî Abdullah Ocalan ke seba Newroze erşawitbi.
Rojnameyî no hewte xebat û cehdanê seba yewîya neteweyî, Hemsereka KNK’yî Zeynep Murad reyde roportaj viraşto. Rojnameyî bi sernameyê “Zimanê aştîyê dikare rê li ber yekîtiyê vebike” ca dayo roportajî.
Meqale û nuşteyê nuştoxanê bînan ke rojname de ca gênê wina yê:
Adar Jiyan: Cudahiya mekeziman û zimanê dayikê,
Felemez Ulug: Ber bi rêya sêyemîn ve
Hesen Huseyîn Denîz: Îran çiraveke bêserûber e
Şadiye Manap: Newroz rengê jinan, giyana azadiyê ye
Medenî Ferho: Modernîteya Kapîtalîst rastiyan dikuje
Îbrahîm Êzidî. Gefên li ser Şengalê û peyamên Rêber Apo
Prof. Dr. Abdulîllah Polat: Şoreşa Newrozê ya derûnî
Lêl Amed: Dîzayno newe û rolê kurdan
Mehmet Zahar Oluk: Ziwanê ma vîrê ma yo
Sînan Sutpak: Halînê ziwanî
Zeynep Durgut: Bi xêzkirina derî li jiyanê vekir
Lîzşêr Amed: Newroza 2026î bî Newroza Rayberîye ye.
