Raporê Şîdetê vera Cinîyan ê 2025î ke Serekîya Daîreya Polîtîkayanê Cinîyan a Şaredarîya Amedî Şaristanê Girdî eşkera kerd, dîyar bî bajarî de şîdet zafane zereyê keyeyî de beno.
Psîkologe Zelale Koca ke rapor pêşkêş kerd, dîyar kerd ke şîdetê vera cinîyan netîceya nîzamê komelkî yê pederşahî yo û no problemêko şexsî nîyo, sîyasîye û polîtîk o.
Goreyê raporî serra 2025î de 258 cinîyanê muracatkeran ra 207ê ci şîdetê zereyê keyeyî ra, 15ê ci zî şîdetê ke hetê mêrdeyê cîyabîyaye ra ameyo kerdene.
muracatkeran de waştişê tewr girs ê cinîyan bi 165 muracatan piştîdayîşê ekonomîk bî, badê cû waştişê piştîdayîşê psîkolojîk û huquqî ame.
Raporî de sewbîna 30 muracatan de ame tespîtkerdene ke emnîyetê ganê cinî talûke de yo.
Çarçeweya raporî de seba zêdekerdişê wargehanê setarbîyayîşî, tesîrdarbîyayîşê qanunê hûmare 6284, piştîdayîşê xoserîya ekonomîke ya cinîyan û temînkerdişê gêrayîşê xizmetan bi ziwanê dayîke vengdayîşî ameyî kerdene.
