Afrîkaya Başûrî de şewa şemeyî di mekananê şayîyî yê cîya cîyayan de hêrişo çekdar ame kerdene, 27 kesan dinyaya xo bedilnaye û 26 kesî birîndar bîyî. Hêrişî nizdê Johannesburg û Cape Townî de ameyî meydan.
Afrîkaya Başûrî de şewa şemeyî di mekananê şayîyî yê cîya cîyayan de hêrişo çekdar ame kerdene, 27 kesan dinyaya xo bedilnaye û 26 kesî birîndar bîyî.
Hêrişo ke nizdê Johannesburg de barêk de ame kerdene de 17 kesan dinyaya xobedilnaye û 15 kesî birîndar bîyî. Dîya zanayene ke hêrişkarî verî ke warê serebutî ra biremî telefonê tay muşterîyan zî girewtî.
Nizdê Cape Townî de zî vera warêkê şayîyî hêriş ame kerdene, 10 kesan dinyaya xo bedilnaye û 11 kesî birîndar bîyî. Polîsan seba tepiştişê hêrişkaranê wird hêrişan cipersayîş da destpêkerdene.
Afrîkaya Başûrî ya ke nufusê ci 62 mîlyon o, hêrişê çekdarî û cînayetî zaf benê. Yeno vatene ke her roje nizdê 60 kesan yenê kiştene.
