Dadgeha Şorişî ya Tehranî cezayê îdamî da hîrê hemwelatîyanê Kirmanşanijan ke semedê tewrbîyena nêrazîbîyena peyêne yê paytextî de ameybî girewtene.
Rêxistina Heqanê Merdiman HRANA, derheqê qerarê îdamkerdişê hîrê hemwelatîjanê Kurdan ê Rojhelatê Kurdîstanî de yew rapor weşana.
Goreyê nê raporî, Dadgeha Şorişî ya Tehranî cezayê îdamî da Xusrew Mihemedînîya, Mesûd Toşmalanî û Sîrwan Şehîdî (22 serre). Nê her hîrê xortê Kirmanşanijî dema nêrazîbîyena peyêne yê Tehranî de hetê hêzanê asayîşî ra ameybî girewtene.
Ame parekerdene ke no qerar hetê şubeya 23ine ya Dadgeha Şorişî ya Tehranî ra ameyo dayene. Dadgehe sûcê sey “şerê vera Homayî (mûharebe), komkerdiş û yewbîyayîşê vera asayîşê neteweyî” eşto înan ser.
Nê hîrê hemwelatîyî nika Zîndanê Qizilhesarî yê bajarê Kerecî de yenê tepiştene.
Eynî dewa de, cinîyêke rê zî cezayê 5 serran ê zîndanî ame dayene û dosyayê aye hema asta tehqîqatî de ya.
