Soma de ocaxê madenî de, 7 karkerê ke bineyê piroginayîşî de mendîbî ra 5 karkeran cuya xo kerde vîndî, dermankerdişê 2 karkeran dewam keno. Karê otopsîyî qedîyay û cenazeyê karkeran dayîna keyeyanê înan yenê kerdene.
Ocaxê madenî yê girêdayeyê Îmbat Madencîlîkî yo ke qezaya Soma ya Manîsa de yo, vizêrî piroginayîşêk amebî meydan.
Piroginayîş Panoya Rojhelatî yê mintiqaya Eynezî de, linga newîye ya ke mîyanê ocaxe de ameya akerdene de qewimîya.
Walîtîya Manîsa da zanayene ke xebatê xelaskerdişî qedîyayê û resayê meyîtê 3 karkerê bînî yê ke vîndîbîyayî bî.
