Sergey Lavrov dîyar kerd ke hêrişêk newe yê Amerîkayî vera Îranî virazîyo do herême de netîcayanê giranan xo reyde bîyaro. Lavrov seba probleman û neçareserîya nukleerî çareser bibo zî vengdayîşê sebir û dîplomasî kerd.
18ê sibatê de netîceya pevînayîşanê Wezîrê Karanê Teberî yê Rûsya Sergey Lavrov, raya pêroyî rê ame parekerdene. Lavrovî, Amerîka seba hêrişêko newe yê serê Îranî de nêvirazîyo û Îran zî programê nukleerî rê rayîrê çareserî peyda bikero îqaz kerd.
Roportajê Sergey Lavrov yê bi televîzyonî Erebîstanê Siûdî Al-Erebîya rê kerd rojê ke badê kombîyayîşê ke mabênê Amerîka û Îranî de Cenevre de virazîya ame weşanayene. Lavrov dîyar kerd ke netîce baş nîyo û vat: “Tesîsê nukleerî yê Îranî ameyê bombakerdene û goreyê şîroveyê ma rîsk est o ke serebûtêke nukleerî biqewimî yo.”
Sergey Lavrov dîyar kerd ke herême de kesêk nêwazeno problemî zêde bibê û vat: “Mi helwestê Erebistanê Siûdî û Monarşîyê Kendawe şopnayê, ey zî nêwazenê krîz virazîyo, çîyê winasî sey bi adir kaykerdiş penase kenê.”
Wezîrê Karanê Teberî yê Rûsya Lavrov vano, eke herême çîyêko talûke virazîyo serê de averşîyayîşê serranê peyênan ê ke herême de virazîyayê do serûbin bibê.
