Hetkarîya merdimî ya ke hetê Platformê Pawitiş û Piştîdayîşê Şaristanî yê Amedî ra seba Kobanî ameybî komkerdene, rixmê heme cehdan zî desturê vîyartişî nêame dayene û dimayê 5 rojan TIRê hetkarî agêrayê Amed.
Karwanê hetkarî ke 5 rojî ra ver Amed ra ver bi Kobanî kewtbi rayîr, rayîrê Riha û Pirsûsî ser o amebi vindarnayene. Prosesê dayîşûgirewtişan de ame dîyarkerdene ke hetkarî tena eşkenê Azezî ra vîyarê. La demo ke na rey vernîya heyetê Platformî ameye girewtene û destûr nêda endamanê Platformî qerar da ke TIRê hetkarî agêrê Amed. Ame zanayene ke TIRê hetkarî vizêr şand şewe resayê Amed û hetkarîya ke ameybî komkerdene, awanîya Fuarê Amedî de ameye vengkerdene.
Rixmê heme cehdanê sazgehanê sîvîl û DEM Partî zî pêvînayîşê dîplomatîkî sernêkewtê û hetkarîya merdimî nêresaye Kobanî û TIRê hetkarî agêrayê Amed.
