Avûkatanê Baroyê Wanî ra Mahmut Kaçanî vat ke nêbeno ke ‘heqê hêvîye’ sey lutufî bêro pêşkêşkerdene û dîyar kerd ke goreyê bira Mehkemeya Heqanê Merdiman a Ewropa ganî sereraştkerdişê qanûnî bêro kerdene.
Avûkatanê Baroyê Wanî ra Mahmut Kaçanî pare kerd ke goreyê biranê Mehkemeya Heqanê Merdiman a Ewropa (MHME) bi madeya 90ine ya Qanûnê Bingeyî ganî ‘heqê hêvîye’ bêro caardene.
Kaçanî ANFyî rê qisey kerd û ard ziwan ke ‘heqê hêvîye’ halêko qanûnî yo ke bi biranê MHME ameyo îfadekerdene. Kaçanî vat: ”No heq seba ke bale bianco afernayîşê mekanîzmayan ê seba azadîya tepişteyanê muebedeyîyan ser şuxilîyeno. Tirkîya de hema sereraştkerdişê qanûnî û mekanîzmayêke çin ê. Bira MHME ya ke hêvî dana tepişteyanê muebedîyan ke rojêke ê vera bidîyê.”
Kaçanî vist vîrî ke Serekê MHPyî Devlet Bahçelîyî ‘heqê hêvîye’ bi şertî pêşkêş kerdo û vat: ”Heqê hêvîye lutufêk nîyo, tedeyîya MHME de cagêno. Coka no nêzdîbîyayîşê îqtîdarî do cîyakerîye virazo. Ganî heqê hêvîye bêro caarene. Nika mewzûatê Tirkîya de no heq çin o la goreyê bira Mehkemeya Heqanê Merdiman a Ewropa ganî sereraştkerdişê qanûnî bêro kerdene.”
