Fermandarê Pêroyî yê HSD’yî Mazlum Ebdîyî dîyar kerd ke ey Serekê Hêrama Kurdîstanî Nêçîrvan Barzanî reyde pêvînayîş kerdo û sipasîya rayedaranê PDK’yî kerd.
Fermandarê Pêroyî yê Hêzanê Sûrîya Demokratîke (HSD) Mazlum Ebdî hesabê xo yê X’î ser o eşkerayîyêk daye û dîyar kerd ke ey Serekê Herêma Kurdîstanî Nêçîrvan Barzanî reyde pêvînayîş kerdo. Mazlum Ebdîyî da zanayene ke amancê pêvînayîşê nêzdîkerdişê ewnîyayîşanê înan û hukmatê Sûrîye bi û sipasîya cehdanê Serekê Pêroyî yê PDK’yî Mesûd Barzanî û Serekê Herêma Kurdîstanî Nêçîrvan Barzanî kerd.
Mazlum Ebdîyî eşkerayîya xo de wina vat:
“Çarçeweya cehdanê sîyasî yê seba nêzdîkerdişê ewnîyayîşanê mabênê ma û hukmatê Sûrîye de Serekê Herêma Kurdîstanî kek Nêçîrvan Barzanî reyde pêvînayîş kerd.
Ma cehdanê Serek Mesûd Barzanî û kek Nêçîrvan Barzanî yê na merhela de berz erjnenê, seba ke piştgirîya înan a seba cehdanê sîyasî bi hemahengîya mabênkarîya Amerîka dewam keno.
Bi hewayêko ke serkewtişê prosesê entegrasyonî mabênê ma û hukmatê Sûrîye teqez. Bikero, amanc vindarnayîşê adir, agêrayîşê dîyalog û caardişê peymananî yo ke ameyê îmzakerdene.
Helwêstê Herêma Kurdîstanî, çi yê serek û çi yê şarê ci, hetê şarê ma de cayê rêze û teqdîrêko gird o.”
