DÎSK Basin-Îş’î derheqê destbendkerdişê muxabirê ma Nedîm Orûç ê bi şîdetî şermezar kerd û waşt ke Nedîm Orûç bilez bêro veradayene.
Muxabirê ma Nedîm Orûç ke vizêr demo ke Taxa Nûr a qezaya Cizîrî ya Şirnexî de xebere taqîb kerdêne hetê polîsan ra bi kutiş amebi destbendkerdene. Nedîm Orûç nika Mudirîyetê Polîsan ê Şirnexî de yeno girewtene. Vizêrî ra gelekî rojnameger, temsîlkarê partîyanê sîyasî û sazgehê sîvîl ê komelkî destbendkerdişê muxabirê ma Nedîm Orûçî hesabanê xo yê medya dîjîtal ser o pare kerd û vera destbenkerdişê Nedîm Orûçî reaksîyon mojna.
DÎSK Basin-Îş’î zî hesabê xo yê X’î ser o vera destbendkerdişê muxabirê ma Nedîm Orûçî reaksîyon mojna û nê mesajî pare kerd: “Muxabirê Ajansê Welatî Nedîm Orû. Vizêr şand demo ke xebere taqîb kerdêne, hetê polîsan ra bi kutişî amebi destbendkerdene. Nedîm Orûç çend rojan ra ver zî demo ke xebere taqîb kerdêne ame derbkerdene û taqibkerdişê ey ê xeberan amebi astengkerdene. Ma destbendkerdişê bi kutişî ya kedkaranê çapemenîye şermezar kenê û dîyar kenê ke na rewşe mudaxaleyêkê xoresnayîşê xeberan ê komelî ya. Destbendkerdişê rojnamegeran û astengkerdişê heqê xoresnayîşê xeberan ê komelî nêyeno qebulkerdene. Ganî rojnameger Nedîm Orûç bêro veradayene!”
