Mehsa Zareîya Kirmanşanije ke xebatanê kulturî ramena, vizêr cayê karê xo de bêyê ke tu qerarêkê mehkeme bibo, hetê yewîyanê asayîşî ra ameye destbendkerdene. Sebebê destbendkerdişî û cayê ke tede yêna tepiştiş nêameyî eşkerakerdiş.
Mehsa Zareîya ke Îran de bi xebatanê xo yê kulturê kurdî yêna şinasnayîş, vizêr Kirmanşan de hêzanê asayîşî eşt cayê aye yê karî ser. Goreyê agahîyanê ke ameyê destfînayîş, demê destbendkerdişî de bêyê ke tu qerarêk bibo Mehsa Zareî berda cayêkê nêdîyarî.
Derheqê baxaneya destbendkerdişî, cayê ke tede yêna tepiştiş û rewşa huqûqîye de heta nika tu eşkerayîyêke nêameye dayîş. Keye û nas û dostanê aye dîyar kerd ke rewşa aye ra qerifîyenê; ame zanayîş ke hewldayîşê ke derheqê babete de yê, bênetîce mendê.
