Dimayê tesbîtkerdişê ucreto tewr tay dîyar bi şarê Amedî vera nê reaksîyon mojna û vat: “Eke eşkenê wa sîyasetmedar û zengînî bi nê ucreto tewr tay debara xo bikerê.”
Komîsyonê Tesbîtkerdişê Ucreto Tewr Tay bi sendîkayanê karker û karmendan Wezaretê Kar û Ewleyîya Komelkî kombîyayîşê xo yê 3. 23ê kanûne de kerd. Kombîyayîşî ra pey ucreto tewr tay ê serra 2026î hetê Wezîrê Kar û Ewleyîya Komelkî Vedat İşikanî ra ame eşkerakerdene. Ucreto tewr tay se ra 27 ame vêşîkerdene û sey 28 hezar û 75 TL ame dîyarkerdene.
Eşkerakerdişê ucreto tewr tayî ra pey welatijî nerazîbîyayîşê xo mojnenê û vanê ke no meaş çîyêkî rê qîm nêkeno.
Welatijê Amedî riyê maeşo tewr tay ke sey 28 hezar TL ame dîyarkerdene, gazincê xo îfade kerdê û vat: “Ma nêeşkenê kîraya xo bidê. No meaş kîra rê qîmî nêkeno. Eke înan rê qîmî keno wa sîyasetmedar û kesê zengînî bi nê meaşî debara xo bikerê.”
