Heyetê DEM Partîye derheqê pêvînayîşê xo yê Îmralîye de, dormeyê sîyasîyan de pêvînayîşan bikero. Heyet ewro do Numan Kurtulmuş û Devlet Bahçelîyî de ronişo.
Heyetê DEM Partîye derheqê pêvînayîşê xo yê bi Rayberê PKK Abdullah Öcalanî de, dormeyê sîyasîyan de pêvînayîşan bikero. Heyet ewro do Numan Kurtulmuş û Devlet Bahçelîyî de ronişo.
28ê kanûne de DEM Partî ra heyeto ke Pervîne Buldan û Sirri Sureyya Onderî ra yeno pê Îmrali de Rayberê PKK’î Abdullah Öcalanî de pêvînayîş kerdbi.
Buroyê Çapemenîye yê DEM Partî da zanayene ke heyet derheqê pêvînayîşê xo yê bi Rayberê PKK’î Abdullah Öcalanî de, dormeyê sîyasîyan de pêvînayîşan bikero.
Buroyî pare kerd ke Buldane û Onderî reyde Ahmet Turk zî do tewrê pêvînayîşanê bi partîyan bibo. Buroyî vat: “Heyetê ma pêvînayîşê bi Birêz Ocalanî ser o Meclîs de partîyan reyde do bêro têhet. Heyetî pêvînayîşê Îmraliyî ra dima hêverî hemserekanê ma Tulaye Hatîmogullari û Tuncer Bakirhan de qisey kerdbi. Heyetê ma ewro bi beşdarîya Ahmet Turkî Serekê Meclîsî Numan Kurtulmuş û Serekê MHP’yî Devlet Bahçelîyî reyde do bêro têhet.
Heyet dima do sendîkayan, rêxistinanê kede û dezgehan de bêro têhet.
Nê zîyaretan de fikr û pêşnîyazî do bêrê girewtene û dima agahîyî do bêrê dayene rayaumûmîye.”
Heyet 13.30 de Kurtulmuşî de û 15.00 de Bahçelîyî de do ronişo.
