Raporo ke AKP amade kerdo do peynîya hewteyî de pêşkêşê komîsyonî bêro kerdene û Serekkomar Erdoganî MKYK de derheqê prosesî de wina vat: “Naye ra peygêrayîş çin o”.
Kombîyayîşê Komîsyonê Demokrasî, Wayûbirayî û Piştîdayîşê Mîlî yo 19. ke bi pêşkêşkerdişê raporanê partîyanê sîyasî ra pey, partîyê raporanê xo pêşkêşê Serekê Meclîsî Numan Kurtulmuşî kenê.
Partîya Teduştî û Demokrasî ya Şaran (DEM Partî) û Partîya Kede (EMEP), raporê xo yê çareserîye yo ke amade kerdbî, teslîmê Meclîsî kerd.
MHP’yî raporê xo yê 120 rîpelin ewro pêşkêşê komîsyonî kerd. Raporê MHP’yî hetê Cagirê Serekê MHP û endamê komîsyonê meclîsî Fetî Yildizî ra ame teslîmkerdene.
Yeno pawitene ke CHP zî hewtêna raporê xo teslîmê Meclîsî bikero. AKP zî hetêk ra raporê xo amade keno.
Goreyê tayê çimeyan raporo ke partî amade kerdo, kombîyayîşê MKYK’yî de ame munaqeşkerdene. Yeno zanayene ke raporê AKP’yî do peynîya hewteyî bêro teslîmkerdene.
Ame qeydkerdene ke Serekkomar Recep Tayyip Erdoganî kombîyayîşê MKYK’yî de derheqê proses û raporî de vato: “Tîya ra agêrayîş çin o. Ma do nê karî teqez çareser bikerê.”
