Serekê Ekîbê Akerdişêd Mezelanê Komî yê Şengalî Ehmed Kosa Esedîyî dîyar kerd adara 2019î ra heta nika 90 mezelanê komî ra 74 mezelî akerdê. 15 rojanê vîyarteyan de zî dewa Herdan de dest bi akerdişê mezelêka bîne kerdo.
Serekê Ekîbê Akerdişêd Mezelanê Komî yê Şengalî Ehmed Kosa Esedîyî derheqê xebatanê akerdişê mezelanê komî yê Şengalî de agahîyî dayê. Ehmed Kosayî îfade kerd ke karkerê sazgehê înan cigêrayîş, analîz û kenayîşê mezelan hemkarîya Tibê Edlî yê Îraqî kenê. Ehmed Kosa eşkera kerd ke ekîbê înan adara 2019î ra heta nika Şengal de dest bi akerdişê mezelanê komî kerdo û 90 mezelan ra 70 mezelî akerdê.
