Mannheîm de bi munasebetê serrgêra dardekerdişê Seyîd Riza û embazanê ey merasîmê yadkerdişî ame kerdene. Yadkerdişî de vengdayîşê têrîameyîşî vejîya vernî û ame dîyarkerdene ke ganî bi belgeyanê arşîv û şahidan berpirsîyarîya tarîxî bêra vîrardene.
Şarsitanê Mannheîm ê Almanya de bi munasebetê serrgêra dardekerdişê Seyîd Riza û hemrayanê ey, programê yadkerdişê ame kerdene. Programê yadkerdişî hetê Federasyonê Elewîyan ê Demokratîk ê Ewropa, Federasyonê Komelanê Dêrsim ê Ewropa û Merkezê Kulturî yê Mezopotamyayî yê Mannheîmî ra ame kerdene.
Cigêrayox Mehmet Bayrakî sey qiseykerdox bale anet têrîameyîşê Terteleyê Dêrsimî ser o û vat, “Heta ke belgeyî qisey nêkerê, heqîqet nêyeno vînayene.” Bayrakî raporê dewlete yê aîdê ê demî, belgeyê arşîvî, weşanê Kurdkî yê ke ameyê qedexekerdene û polîtîkayê ke Dêrsim ser o yê, erjnayê û lazimtîya têrîameyîşê tarîxî reyna îfade kerde.
Ozan Alî Baranî zî çîyê demê Terteleyê Dêrsimî de dîyê, ê pare kerdê û kilamî vatê. Baranî dîyar kerd ke vatişê derheqê prosesê dardekerdişî yê Seyîd Rizayî vîrê şarî de cayêko xurt girewto.
