Cenevre û Zurih de Seyîd Riza û embazê ci serrgêra 88. ya îdamkerdişê înan de ameyî yadkerdene.
Şaristananê Cenere û Zurihî yê Swîsre de Seyîd Riza û embazê ci serrgêra 88. ya îdamkerdişê înan de ameyî yadkerdene. Aktîvîteyê ke hetê Federasyonê Elewîyan ê Demokratîkan (FEDA), Yewîya Cinîyan ê Elewîyan ê Demokratîkan (DAKB) û Kongreya Ronayîşî ya Dêrsimî (DÎK) ra ameyî organîzekerdene xeylê dêrsimîjî û hemserekê CDK-S’yî tewrê ci bîyî.
Aktîvteya Cenevre verê Ofîsê Neteweyanê Yewbîyayeyan de bi slogana ”Semedê Dêrsimî edalet, semedê vîrî xoverdayîş” ameye kerdene. Hemverfeka FEDA Songule Aslan ard ziwan ke polîtîkayê dewlete çînkerdişê vîrê şarî hedef genê û vat: ”Ma do vîrê xo ganî tepişê, heta ke qirkerdişan de nêro têrî aştîye mumkun nîya.”
Zurîh de zî aktîvîteya ke verê Dêra St. Jacobî de ameye kerdene hemserekê FEDA Ulaş Yildizî vat qewimîyayîşê Dêrsimî netîceyê polîtîkayanê yewperest û asîmîlasyonî yê. Aktîvteya kê hemserekê CDK-Sî tewrê ci bîyî, bi lawikan û slogananê “Şehîd Namirin” qedîyaye.
