Endamê PENa Kurd yê ke şaristanê Oldenburg ê Almanya de ameyê têhet, rayberîya newa ya PENa Kurd dîyar kerd.
PENa Kurd Kongreya xo ya Asayî ya 12. 6 û 7ê êlule de şaristanê Oldenburg ê Almanya de Keyeyê Êzîdîyan de organîze kerde. Zafêrê 150 endam û mêmanî beşdarê kongreya ke bi sloganê “Siwana Yewîye” ameya organîze kerdene, bîyê. Kongre de mesajê Serokê PENa Kurd ê Mîyanneteweyî Burhan Sonmez û mektubê xeylê sazgeh û nuştoxanê welatanê cîyayan ra ameyê wendene.
Munaqeşeyanê derheqê rêzabê Komîteya Rayber a Pêroyî (KGB) ya ke 9 endamanê esil û 4 endamanê cagiran ra yena pê, înan ra dima kongre serkewte vîyarte.
Kongre de ame dîyarkerdene ke kombîyayîşî de karbeşî ameyo kerdene û Rojbîn Perîşan û Mîran Abraham sey hemserê Merkezê PENa Kurd ameyê weçînitene. Reyna Azad Zal sey sekreterê pêroyî, Kakşar Oremar zî sey berpirsîyarê Darayî ame dîyarkerdene.
Komîteyî seba mêmanperwerîye sipasîya Keyeyê Êzîdîyan Şaredarîya Oldenburgî kerd. Endamê Komîteya Rayber ê Pêroyî yê ke kongreya 12. de ameyê weçînitene wina yê:
Endamê Esxilî
* Abdullah Hîcab
* Azad Zal
* Dîmen Sohrabî
* Kakşar Oremar
* Mîran Abraham
* Omer Fîdan
* Rojbîn Perîşan
* Salih Demîcer
* Şina Fayîq
Endamên Cagirî
* Îrfan Babaoglû
* Mihemed Mentik
* Rûkiye Ozmen
* Sûltan Yaray
