Her ke şono verba laîkîye de faalîyetê Hukmatê AKP’yî zêdîyenê. Îstanbul de Mudurîya Perwerdeyî ya Mîllî wendegehan rê seba ke serreneweyî pîroz nêkerê, nuşteyo fermî erşawito
Mudurîyê Perwerdeyî yê Bagcilar û Ataşehîrî yê Îstanbulî, wendegehan rê nuşteyo binîqaş erşawit. Nuşte de yeno vatiş ke wa wendegehan de serrenewe nêro pîrozkerdiş û nuşte de pîrozkerdişê serreneweyî sey verba kultur, edet û bawerîya Misîlmanî de ameyo nîşandayîş.
