Serekê YNK’yî Bafil Talebanî dîyar kerd ke qerarê gerîla seba destpêkerdişê qonaxêko newe Vakûrê Kurdîstan û Tirkîya de bi rayîrê dîyalog û çareserî gamêka tarîxî ya.
Serekê Yewîya Niştîmanî ya Kurdîstanî (YNK) BAfil Talebanî merasîmo tarîxî yê gerîla ke çek ronayo, mesajêk pare kerd.
Talebanî vat: “Qerarê gerîla seba destpêkerdişê qonaxêko newe Vakûrê Kurdîstan û Tirkîya de bi rayîrê dîyalog û çareserî gamêka tarîxî ya. Bawerîya ma bi temamî est a, gonî rişnayîş babete hîna xorîne kena. Nika serdemê bêvengkerdişê çekan o. Babete ser o kerdişê dîyalogî seba heme hetan bidestfînayîşê heqanê rewayan o.
Talebanî dîyar kerd ke do hewldayîşê seba serkewtişê gama aştî bidomê û vat: “Na gama aştîya ke Mam Celalî ronaya, ma ewro anê ca. Ma hêvîdar ê ke na game biba destpêkerdişê qonaxêka newa ya asayîkerdişê têkilîyanê mabênê hetan û do nê gamî rasterast aramîya herêma Kurdîstanî ser o tesîr bikerê.”
