Merasîmê Grûba Aştî û Komelê Demokratîkî saete 11:25î de dest pêkerd û 11:45î de qedîya. Hemsereka Konseyê Rayberdişî ya KCK’yî Besê Hozat pêşengtîya merasîmî kerd.
Vengdayîşê Rayberê Şarê Kurdî Abdullah Ocalanî ser o, Koma Aştî û Komelê Demokratîkî Eşkefta Cansenê ya şaristanê Silêmanî ya Herêma Federe ya Kurdîstanî merasîmê îmhakerdişê çekan ame kerdene. Grûba ke 15 gerîlayanê cinî û 15 gerîlayanê camêrdan ra ameyêne pê, bi rêz ameyê qade.
Merasîm saete 11:25î de dest pêkerd û saete 11:45î de zî qedîya. Hemsereka Konseyê Rayberdişî ya KCK’yî Besê Hozat û Nedîm Seven, Têkoşîn Ozan û Tekîn Mûş zî grûbe de ca girewt.
Demo ke grûbe dekewte qade, heyetê ke seba temaşekerdişî ameybî, wariştê pay. Qade de sloganê “Bijî Serok Apo” gulbang da.
‘Ma Şervanê Azadîye yê’
Besê Hozat merasîmî de qisey kerd û vat: “Seba ke ma vengdayîşê Rayber Apo rê bibê cewab û helwêstê xo nîşan bidê, ma ameyê tîya. Seba averşîyayîşê nê prosesî, m avera înkar û îmhayî çek girewt. Ma şervanê azadîye yê. Bi vengdayîşê Rayber Apo yê 27ê sibate, bi wesîleyê Kongreya 12. ya PKK’yî ma na game erzenê.”
Dima Besê Hozat tirkîya eşkerayî wend. Dima zî Nedîm Sevenî kurmancîya metnî wend.
Qedîyayîşê eşkerayî reyde Besê Hozat var: “Seba nê heme gamî dewam bikerê û bêrê ca, rastkerdişêko qanûnî lazim o.”
Dima Besê Hozar û gerîlayan çekê xo veşnayî. Gerîlayê ke çekê xo veşnayî, qade ra vejeyê.
Lîsteya envanterê ke ameyê îmhakerdene
Lîsteya envanterê çekan mîyanê zerfêk de teslîmê heyetê Komela Hiqûqnasanê seba Azadîye (OHD), Komela Heqanê Merdiman (ÎHD) û TÎHV’î ameyê kerdene.
Herêma Federe ya Kurdîstanî ra zî gelekî kesî merasîmî taqîb kerd.
