Merasîmê çekveşnayîşê grûbêka gerîlayanê PKK’yî ya bi nameyê ‘Grûba Aştî û Komelê Demokratîkî’ eşkefta Casenê de ame destpêkerdene.
Grûbêka gerîllayanê PKK’yî do vengdayîşê Rayberê Şarê Kurdî Abdullah Ocalanî ser o ewro şaristanê Silêmanî yê Herêma Federe ya Kurdîstanî de merasîmê veşnayîşê çekan virazeno. Seba taqîbkerdişê merasîmê PKK’yî Vakurê Kurdîstan û Tirkîya ra, xeylê sîyasetmedar, roşnvîr, rojnameger, nuştox, endam û rayberê sazgehanê sîvîlan û temsîlkarê partîyan mîyanê vizêr Amed ra ver bi Silêmanî kewtbî rayîr. Ame zanayene ke merasîmê gama tarîxî ya PKK’yî destpêkerdo.
Heto bînî ra ame zaneyene ke merasîm eşkefta Casenê de yeno kerdene. Eşkefta Casenê şaristanê Silêmanî de ya. Ame zanayene ke do vîdeoyê merasîmê PKK’yî demêko kilm de bêrê parekerdene.
