Ame dîyarkerdene ke heqê dermankerdişî yê girewteya sîyasî ya kurde Werîşe Muradî yeno astengkerdene û rewşa aye ya weşîye tehluke de ya.
Hêrişanê Îsraîlî yê vera Hepisxaneyê Evîn ra pey girewteyê sîyasî yê cinî ke Hepisxaneyê Evîn de yenê girewtene, neqlê Hepisxaneyê Qereçik ê Başûrê Rojhelatê Tehranî ameyê kerdene. Naye ser o kampanyaya “Seba Werîşe Muradî Azadîye” eşkerayîyêk vila kerde. Eşkerayî de ame dîyarkerdene ke bedilîyayîşê hepisxaneyî ra pey, heqê gireweyan o xoresnayîşê xizmetê weşîye hîna zehmet bîyo.
Eşkerayî de behsê tesîrê hêrişo peyên ê Îsraîlî yê vera Hepisxaneyê Evîn ame kerdene û wina ame vatene: “Hêrişê Îsraîlî yê vera Hepisxaneyê Evîn ra pey beşê girewteyanê sîyayî yê cinîyan ê hepisxaneyî seba Hepisxaneyê Qereçikî ame bedilnayene. No zî şert û mercê cuye û xoresnayîşê xizmetanê doktorî seba girewteyan, bi taybetî seba kesanê ke cezaya dardekerdişî înan rê ameya dayene, hîna zaf zehmet bîyo.”
Eşkerayî de ame dîyarkerdene ke Werîşe Muradî heqê xo yê dermankerdişî ra bêpar yena verdayene û rewşa aye ya weşîye tehluke de ya. Reyna ame waştene ke Werîşe Muradî ganî bilez û bêşert veradîya û neqlê nêweşxaneyêkê teberî biba.
