Temsîlkara KNKyî’ Nîlufer Koç vat: “Eke Tirkîya nê prosesî raşt nêwana, ê ke do vîndî bikerê kurdî nîyê. Têna paradîgmaya Rayber Apoyî eşkena Rojhelatê Mîyanênî tengayîya şerî ra bixelisno.”
Şaristanê Frankfurtî yê Almanya de komeleya kurdan de çarçewaya Vengdayîşê Aştî û Komelê Demokratîk yê Rayberê Şarê Kurdî Abdullah Ocalanî yê 27ê sibate de bi tewrbîyayîşê Temsîlkara Kongreya Neteweyîye ya Kurdîstanî (KNK) Nîlufer Koç têhetameyîşê şarî ame organîzekerdene.
Nîlufer Koç bale ante muhîmîya paradigmaya Komelê Demokratîkî ya ke 27ê sibate de ameye îlankerdene ser o, şerê Îsraîl-Îranî nîşan da û vat: “Tena paradîgmaya Rayber Apoyî eşkena Rojhelatê Mîyanênî tengayîya şerî ra bixelisno.”
Nîlufer Koç cewab da persanê tewrbîyayoxan yê sey “Fesihkerdişê PKK’yî yeno çi mana?” û “Rojhelatê Mîyanênî de rolê kurdan do çi bo?”
Nîlufer Koç bale ant şerê Rojhelatê Mîyanênî ser o ke çend şino xidar beno û vat nê prosesî de zaf firsendî vejîyenê vernîya kurdan. Nîlufer Koç vat: “Çareserîya meseleyê kurdan paradigmaya Komelê Demokratîkî ya. Eke Tirkîya nê prosesî raşt nêwana, ê ke vîndî bikerê do kurdî nîbê.”
