Avûkat Mehmet Emîn Gokdemîr avzelîya kongreye ser o wina va: “Mabenê 15 û 16ê Gulane de Kongreya Mîyanêneteweyî ya Ziwanşinasî û Edebîyatê Berawirdî Mêrdîn de virazîya. Armancê kongreye, têhardişê ziwanzanî û edebîyatî ser o bî.”
Kongreya Mîyanêneteweyî ya Ziwanşinasî û Edebîyatê Berawirdî, bi pêşengîya Zanîngehê Artukluyî Mêrdîn de virazîya. Kongre bi onlîne virazîya. Kongre ra zaf hûmarî zanîngehê Tirkîya û Dinya ra beşdarîyêka xurt bî. Na kongre de ke ziwan û edebîyatê ke welatê Tirkîya û Kurdistan de estibîyê û hema zî estê bi awayêkê berawirdî bêrê eleqedar kerdene, pirdê mabênê vîraşteyî û ameyoxî do bi metodanê klasîk û modernan ame destgirewtene.
Hewna kongre de mevzûyê ziwanşinasî û edebîyatî bi metodanê zanistê komelî ra gore ame eleqedar kerdene û hedef o ke xebatê berawirdî yê derheqê ziwan û edebîyatî de ame kerdene. Armancî temaya kongre, bi awayêkî heme ziwan û edebîyatan rê akerde bî, sey “Kongreya Navneteweyî ya Ziwanşinasî û Edebîyat Berawirdî” ameya viraştişî.
Kongre ra sey pêşkêşvanêkî Mehmet Emîn Gokdemîr zî beşdar bî. Gokdemîr pêşkeşkîya xo bi onlîne kerd. Mehmet Emîn Gokdemîr hem avûkat hem zî ziwanzanêkî yo.
207 ziwanzanî beşdar bîyê
Babete ser o Avûkat Mehmet Emîn Gokdemîr wina va: “Mabenê 15 û 16ê Gulane de Kongreya Mîyanêneteweyî ya Ziwanşinasî û Edebîyatê Berawirdî Mêrdîn de virazîya. Armancê kongreye, têhardişê ziwanzanî û edebîyatî ser o bî. Kongre, kongreyêka mîyanêneteweyî bî nêzdî 207 beşdarvanî ci estbî. Nê beşdarvanî her welatî rîyê dinya ser o est ê, uca ra tewir bi tewir akademîsyen, zanist û ziwanzanî beşdar bîyê.”
Roşanê Ziwanê Kurdkî
Mehmet Emîn Gokdemîr dîyar kerd ke kongre de kurmancî û zazakî zî ameyî vernî û wina domna: “Xebatanê zazakî û kurmancî zî ameyî pêşkêşkerdiş, nêzdî 41 hebî xebatê kurmancî û nêzdî 18 xebatê zazakî, xususîyeta rewşa ziwanê kurdkî ser o pêşkêşî beşdarvanan ra ame kerdiş. Ez xebatkaranê Zanîngehê Artukluyî pîroz kena, bi munasebetê 15ê Gulane zî Roşanê Ziwanê Kurdkî pîroz kena.”
