Welatijanê Kirşehîrî xeylê serran ra pey Newroze pîroz kerde. Welatijan dîyar kerd ke ê vengdayîşê Rayberê Şarê Kurdî Abdullah Ocalanî ra pey bi hêvîya aştî Newroze pîroz kerda.
Newroze emserre bi coş û qelebalix bi sloganî “Raybero Azad, Komelo Demokratîk” û “Seba Azadîye Komelo Demokratîk” ameye pîrozkerdene. Xeylê serran ra pey Kirşehîr de Newroze ameye pîrozkerdene. Tewrê astengîya Walîtîya Kirşehîrî zî Kirşehîrijan bi coş Newroze pîroz kerde. Welatijê ke beşdarî Newroze bîyê, fikrê xo ardê ziwan.
Hemsereka Verêne ya DEM Partî ya Kirşehîrî Demet Resuloglu ard ziwan ke xeylê serran ra pey Newroze ameye pîrozkerdene û Walîtî astengîyê girdî vetê verê înan û wina va: “Şarê ma her tim peyê vengdayîşê Rayberê xo yo. Ma do nê welatî rê aştî û demokrasî b^İyarê. Şarê kurdî bi serran o ke têkoşîn dano û nasnameyê xo paweno. Vengdayîşê aştî seba ma û şarê Tirkîya zaf bi avzel o.”
Bi hêvî aştî pawenê
Hemsereka Verênê ya HDP’yî ya Kirşehîrî Yuksel Han zî eşkera kerd ke ê seba pêvajo hêvîdar ê û hêvî kenê ke no pêvajo aştî bîyaro.
Welatij Selma Çal zî dîyar kerd ke demêko dergî rapey Newroze Kirşehîr de ameya pîrozkerden û a hêvî kena ke nika ra pey do bi beşdarîyêka girde Newrozê hîna weş bêrê pîrozkerdene û ard ziwan ke a heme dinya rê aştî wazena.
