DEM Partiyê li ser hesabê xwe yê Xê bertek nîşanî binçavkirina parêzerên endamên ÇHDê, siyasetmedarên Kurd û tayinkirina qeyimê li ser Sozcu TVyê da û xwest zextên li dijî demokrasiyê bi dawî bibin.
DEM Partiyê li ser hesabê xwe yê Xê derbarê binçavkirina parêzerên endamên Komeleya Hiqûqnasên Hemdem (ÇHD), siyasetmedarên Kurd û tayinkirina qeyimê li ser Sozcu TVyê daxuyaniyek belav kir.
DEM Partiyê bertek nîşanî binçavkirina hiqûqnas, siyasetmedar û tayinkirina qeyimê li ser Sozcu TVyê da û ev daxuyanî belav kir: “Di operasyona ku navenda wê bajarê Amedê ye de, gelek siyasetmedarên Kurd ku di nav wan de Serokê PSKê Bayram Bozyel jî heye hatin binçavkirin.
Di operasyonên ku li çend bajaran hatin lidarxistin de parêzerên ku endamên ÇHDê ne jî hatin binçavkirin. Her wiha, îro serê sibê di serdegirtina Sozcu TVyê de, rêveberên wê hatin binçavkirin û qeyim ji aliyê dewletê ve li ser kanalê hate tayînkirin. Azadiya çapemeniyê, siyaseta demokratîk û mafê rêxistinbûnê, hêmanên bingehîn û jêveneger a civakeke demokratîk in. Divê dawî li van kiryarên zordar ku siyasetê, çapemeniyê û civaka sivîl dikin hedef û zirarê didin demokrasiye bê anîn.
Weke parêzvanên demokrasiyê, piralîbûnê û azadiyan, em van kiryarên antî-demokratîk ên li dijî siyasetmedar, hiqûqnasan û çapemeniyê red dikin.”













