Ankara – Panelê “Qanûnê çarçeweyî ra zafêr aştî, edalet, azadî û komelo demokratîk” ke hetê OHD û HDK’yî ra yeno viraştiş, dest pêkerd. Panel do bi 3 rûniştişan bêro viraştiş û babetanê cîya-cîyayan ser o erjnayîşî do bêrê kerdiş.
OHD û HDK’yî salonê merkezê TUMBEL-SEN’î yê qezaya Çankaya ya Ankara de panelê “Qanûnê çarçeweyî ra zafêr aştî, edalet, azadî û komelo demokratîk” viraşt. Huqûqnasî û zaf kesî tewrê panelî bîyî.
Panel bi qiseykerdişê akerdişî yê Endama Meclîsê SYKP’yî Çagla Ozgençturke dest pêkerd. Çagla Ozgençturke dîyar kerd ke ê do panel de derheqê awankerdişê Komelê Demokratîkî yê mîyanê krîzan de qisey bikerê û behsê programê panelî kerd.
Panel do bi 3 rûniştişan bêro viraştiş û zaf babeteyan ser o munaqeşeyî do bêrê kerdiş. Programê panelî wina yo:
Rûniştişo yewin
Qanûnan ra ver bi cuya Komelê Demokratîkî
Moderator: Avûkat Berfîn Babaoglu
Qiseykerdoxî: Endama OHD’yî avûkat Ebru Akale, sîyasetmedar Muhîttîn Altin û sosyolog Muzaffer Kaya
Rûniştişo diyin
Dinya û Tirkîya de prosesê aştî
Moderator: Avûkat Berfîn Babaoglu
Qiseykerdoxî: Pisporê têkilîyanê komelkîyan ê mîyanneteweyîyan Celîl Kaya û pawitoxê heqanê merdiman Ahmet Faruk Unsal
Rûniştişo hîrêyin
- Komelîbîyayîşê aştî
Moderator: Sila Delîoglu
Qiseykerdoxî: Hemverfeka HDK’yî Meral Daniş Beştaşe û Serekê Pêroyî yê Înîsîyatîfê Heqan avûkat Şakîr Çalişkan
- Vatena hemparîye ya derheqê Aştî û Komelê Demokratîkî de
Moderator: Çagla Ozgençturk










