Netîceyê gulebaranê hêzanê rejîmê Îranî de mintiqaya sînorî ya Baneyî de kolberêko kurd ame kiştiş. Kolber zewejîyaye û pîyê domanêk bî, cinîya ey zî nika digane ya.
Goreyê raporê keyepelê Kolbernewsî, kolberê kurd Teyîb Rostemî sibayî mintiqaya sînorî ya Sûrkêwî de ke girêdayeyê şaristanê Baneyî ya, hetê hêzanê çekdaran ê Îranî ra bi guleyan raste-rast ame hedefgirewtiş û cuya xo vîndî kerde.
Ame dîyarkerdiş ke Teyîb Rostemî zewejîyaye û pîyê domanêk bî, cinîya ey zî nika digane ya.
Goreyê daneyanê Kolbernewsî, serra 2025î de Rojhelatê Kurdîstanî de 57 kolberê kurdî ameyê kiştiş yan zî cuya xo vîndî kerda.
