Dayîkê Aştî ke zaf şaristananê Tirkîya û Kurdîstanî ra ameyî Anqara, Serekê Meclîsî Numan Kurtulmuşî reyde ameyî têhet.
Dayîkê Aştî ke zaf şaristananê Tirkîya û Kurdîstanî ra ameyî Anqara, çarçewaya pêvînayîşanê xo yê meclîsî de Serekê Meclîsî Numan Kurtulmuşî reyde ameyî têhet. Dayîkê Aştî Hanîfe Akpolat, Muzeyyene Butun û Afîfe Kartal beşdarê pêvînayîşî bîyî ke odaya Serekîya Meclîsî de ame kerdene.
Dayîkan derheqê gamanê şênberan ê Prosesê Aştî û Komelê Demokratîkî de ke ganî bêrê eştene, pawitişê xo Kurtulmuşî rê ardî ziwan. Verê her çîyî azadîya fîzîkî ya Rayberê Şarê Kurdî Abdullah Ocalanî û verdayîşê hepsîyanê sîyasîyan waştişanê înan ra bî.
Dayîkan sewbîna dosyaya kurdkî û tirkî ke waştişê înan tede est ê, dayî Kurtulmuşî.
