Dayîkê Aştîye ke bi waştişê azadîya fîzîkî ya Rayberê Şarê Kurdan Abdullah Ocalanî û eştişê gamanê şênberan ameyî Ankara, badê nobete şîyî meclîs. Heyetêka Dayîkanê Aştîye çarçewaya zîyaretanê partîyanê sîyasîyan de Grûba Partîya Newîye zîyaret kerde.
Meclîsê Dayîkanê Aştîye ke bi waştişê azadîya fîzîkî ya Rayberê Şarê Kurdan Abdullah Ocalanî û eştişê gamanê şênberan ê seba Prosesê Aştîye û Komelê Demokratîkî amebî Ankara, badê nobete şî meclîs. Dayîkê Aştîye do meclîs de beşdarê kombîyayîşê grûba DEM Partî bibê û heyetêka Dayîkanê Aştîye zî partîyanê sîyasîyan zîyaret kena. Zîyaretê Heyetê Dayîkanê Aştîye bi Grûba Partîya Newîye dest pêkerd.
Heyetê Dayîkanê Aştîye bi nameyê Grûba Partîya Newîye Serekwekîlê grûbe Alî Mahîr Başarirî reyde pêdîyayîş kerd. Badê Partîya Newîye dayîkî do saete 12:00 de zî bi nameyê Grûba Yenî Yolî Serekwekîlê grûbe Mehmet Emîn Ekmenî reyde pêdîyayîş bikerê. Heyetê Dayîkanê Aştîye do saete 14:00 de zî bi nameyê Grûba MHP’yî Serekwekîla grûbe Fîlîz Kiliçe reyde pêdîyayîş bikero û saete 15:00 de bi nameyê Grûba AKP’yî Serekwekîlê grûbe Abdullah Gulerî reyde pêdîyayîş bikero. Heyetê Dayîkanê Aştîye do saete 16:00 de zî bi nameyê Grûba CHP’yî Serekê Pêroyî yê CHP’yî Kemal Kiliçdarogluyî û Serekwekîla grûbe Sevda Erdan Kiliçe reyde pêdîyayîş bikero.
