Walîtîya Şirnexî sey cayê endamanê AKP’yî têgêrena, tena merdimanê serek û endamanê AKPyîjan gêna kar.
Walîtîya Şirnexî 5ê teşrîna verêne de seba ke 7 karkeran bigîra kar, keyepelê xo yê fermî de eşkerayîyêk weşanaye. Eşkerayî de amebi vatene ke do muracaatê seba karî heta 6ê teşrîna verêne dewam bikerê.
Dima ke muracatî qedîyayê, vejîya orte ke Walîtî zafane merdimê serek, rayber û endamê AKP’yî girewtê kar.
Goreyê lîsteya ke ameya eşkerakerdiş, way û merdimê Sereka Baskanê Cinîyan a AKP’yî Bîşenk Acar, Hîcran Kûmrû Acar û Mehmet Acar, birayê Endama Meclîsê Şaredarîya Şirnexî Zehra Guneş, Orhan Guneş û Derman Guneş, lajê Serekê qezaya merkezî ya Şirnexî Rahmet Taşar, Alper Taşar, xizma Serokê Şaredarê Qilebanê Gurgîn Urek, Helîn Urek est ê. Bi serran o endam, rayber, serek û rayedarê AKP’yî Şirnex de kesê ke lazimtîya înan bi karî çin a, înan gêna kar. Kesê ke seba kar ameyê girewtiş zî zafaneyê înan nêşonê kar la reyna zî her aşme meaşê xo gênê.
