Qezaya Kepez a Antalya de şantîyeyêka înşaatî de gijoleke bîye û di konteynerî xeripîyayî ke karkerî tede bîyî. 5 karkeran ra ke konteyneran de bîyî, 4 karkerî cuya xo ra bîyî û karkerêk zî birîndar bi.
Antalya de badê hişyarîya varanî şantîyeyêka înşaatî de gijoleke bîye ke Taxa Fevzî Çakmak a qezaya Kepezî de ya. Di konteynerî ke karkerî tede bîyî, rîyê gijoleke ra xerepîyayî. Goreyê agahîyan ekîbê weşîye, adirvisnayoxî û polîsî seba cayê hedîse ameyî erşawitene. Ame tesbîtkerdene ke 2 karkerî cayê hadîseyî de, 2 karkerî zî nêweşxane de cuya xo ra bîyî. Ame dîyarkerdene ke rewşa weşîye ya karkeranê birîndaran baş a.
