Hûmara dîyine ya Kovara Modernîteya Demokratîke ke hetê Akademîya Zanistê Komelkî ra yena weşanayene, bi sernameyê “Komun”î resaye wendoxan.
Kovara Modernîteya Demokratîke bi îngilîzkî û bi şîarê “Ver bi Sosyolojîya Azadîye” vejîyena. Kovare amanc kena ke zanistê komelkî tena sey warêkê akademîkî ney, sey metodêkê azadbîyayîşê komelî newe ra bêro fikirîyayene. Kovare xo bi paradîgmaya Medenîyetê Demokratîkî ya Rayber Apoyî, bi Şorişê Rojawanî û tecrubeyanê Têgêrayîşê Azadîya Cinîyanê Kurdan xurt kena.
Hûmara dîyine komunî sey tecrubeyêko tarîxî, şeklêko sîyasî, alternatîfêko ekonomîk û pratîkêko komelkî yo ciwîyaye erjnena. Hûmare de nuşteyê Nick Mattheou, Mustafa Karasu, Mechthild Exo, Mathijs van de Sande û Gaard Kets ca gênê.
Hûmare de nuşteyêko taybetî yê Rayber Apoyî zî est o ke seba kovare nuşto: “Komun: Yewîna Awankere ya Komelê Demokratîkî”. Rayber Apo nuşteyê xo de komunî sey yewîna awankere ya cuya hemparîye ya ke azadîye ser o ronîyaya, erjneno. Tercumeyê şîîrêka ey ke serra 2000î de nuşta zî nuşteyî reyde ca gêna.
Kovare de komun hetê ekonomî, ekolojî, sîstemanê werdî û têkoşînê şaranê cayîyan ra zî yeno qiseykerdene; nuşteyê Bengi Akbulut, Targol Mesbah û Ana Paula Morelî zî hûmare de ca gênê.
Hûmara dîyine venga beşdarbîyayîşê komunanê cigêrayîşî yê Akademîya Zanistê Komelkî zî dana. Agahîyê derheqê aboneyî de rîpelê aboneyî yê Akademîya Zanistê Komelkî ser o yenê dîyene.
