Amed de bi sloganê “Şehîdî Nêmirenê” zîyaretê vîrardişê Zîlan Kurdistanî ya ke 9ê êlula 2026î de Qendîl de cuya xo ra bîya, ame kerdiş.
Bi pêşengîya MEBYA-DER’î , bi girseyî zîyaretê vîrardişê Hêlîn Çelîkî (Zîlan Kurdistan) ya ke 9ê êlula 2026î de Qendîl de cuya xo ra bîya, ame kerdiş. Parlamenterê DEM Partî Serhat Erenî, endam û rayberanê partîyanê sîyasî, hemşaredaranê qezayanê Amedî, temsîlkaranê sazgehanê sîvîl û xeylî kesî tewrê şînî bîyî.
Girse bi sloganê “Şehîdî Nêmirenê”, “Wa Biciwîyo Serek Apo” ver bi Camîya Abdurrezak Ensarîoglu ya ke Taxa Cumhurîyetî ya Semta Seyrantepeyî ya Amedî de ya, rayra şîyî. Girse wexto ke derbazê cayê vîrardişî bîyî, bi çepik û sloganan ame pêşwazîkerdiş. Dima ra deqîqeyêk rêz ame girewtiş. Fotografa şehîd Zîlan Kurdistanî masaya ke bi vile û rengê kesk, sûr û zerd ameya xemilnayîş ser o ronaya. Endam û rayberanê MEBYA-DER’î mesajê yewbînî girewtişî dayê keyeyî û hîsê keyeyî pare kerdî.
