Dewaya rojnameger Abdûrrahman Gok û Nedîm Orûçî, ke Amed û Şirnex de ameya viraştene, ameyê taloqkerdene.
Roniştişê dewaya rojnameger Abdûrrahman Gok û Nedîm Orûçî, Amed û Şirnex de ameyê viraştene û her di dewa zî ameyê taloqkerdene.
Roniştişo 12. ya dewaya rojnameger Abdûrrahman Gokî, ke rîyê îfadeyanê Umît Akbiyikî ra yeno muhakemekerdene, 5. Mehkemeya Cezayanê Giran a Amedî de ame virastene. Rojnamegêr Abdûrrahman Gok, avûkatê ey Resûl Tamûr û Mehmet Emîn Aktar, endamanê DFG’yî û ÎHD’yî roniştişî de amade bîyî.
Badê tespîtkerdena nasnameyê rojnameger Abdûrrahman Gokî, waştişê berata xo kerd. Avûkat Tamûr û Aktarî zî waşt ke kêmîyê dosya de bêrê temamkerdene.
Heyetê mehkemeyî dewa taloqê 17ê çeleyî kerd.
Dewa ame taloqkerdene
Roniştişo 3. ya dewaya rojnameger Nedîm Orûçî, 1. Mehkemeya Cezayanê Giran a Şirnexî de ame viraştene. Roniştişî de avûkatê Nedîm Orûçî, Huseyîn Sedat Sulgerî, hedre bi.
Badê tespîtkerdena nasnameyê, avûkat Huseyîn Sedat Sulgerî roniştişî de waşt ke hacetê çapemenîye yê muwekîlê ey bêrê dayene. Heyetê mehkemeyî nê waştişa avûkatî red kerd û seba ke kêmîyê dosya bêrê temamkerdene, dewa taloqê 12ê teşrîna peyêne kerd.
