Qezaya Esenyurtî ya Îstanbulî de, seba şehîdanê ke wext û cayanê cîyayan de mîyanê têkoşînê azadîya Kurdîstanî de şehîd bîyê, programê vîrardene ame organîzekerdene.
Qezaya Esenyurtî ya Îstanbulî de, seba şehîdanê ke wext û cayanê cîyayan de mîyanê têkoşînê azadîya Kurdîstanî de şehîd bîyê, programê vîrardene ame organîzekerdene. Vîrardene de ke bi pêşengîya MEBYA-DER’î ameye viraştene, Îzzettîn Tuş (Cemîl Wan), Melîk Firat Seven (Ciwan Serhed), Reşat Bozyîtîg (Dîren Amed) û Ersîn Seven (Argeş Întîkam) ameyî vîrardene.
Keyeyê şehîdan, temsîlkarê partîyanê sîyasîyan û zaf kesî tewrê programê bîyî. Program de pankartê bi nuşteyê ‘Şehîdê ma rûmetê ma yê’ ameye daliqnayene û sloganê ‘Şehîdî nêmirênê’ ameye berzkerdene. Çalakî bi deqeyêk rêzgirewtene dest pêkerde, sînevîzyon ame mojnayene.
Program badê wendişê duayan qedîya.
