Şaredarîya Amedî ya Şaristanê Girdî, aktîvîteyê 21ê sibate Roja Ziwanê Dayîke ya Dinya bi nawitişê fîlman dayî destpêkerdene.
Mudirê Şûbeyê Pawitişê Ziwanî Tahîr Baykuşakî va ke mîyanê hewteyî de do zaf aktîvîteyî bibê û ê do mîyanê şarî de xebatanê xo yê hişmendîya ziwanî dewam bikerê.
21ê sibate Roja Ziwanê Dayîke ya Dinya de Serekîya Daîreya Karê Kultur û Sosyalî aktîvîteyê ke organîze kerdî, dest pêkerd. Programî de mîyanê hewteyî de do esnafan rê materyal bêro vilakerdiş, goşdarîya şîîran, konser, tîyatro û nawitşê sînema bibê. Mudirê Şûbeyî Baykuşakî dîyar kerd ke di ziwanê bajarî tehlike der ê: Suryanîkî û Kirmanckî. Seba naye wazenê ke emser “Serra Ziwanê Kirmanckî” bêro binamekerdiş.
