Îtîfaqê Hêzanê Sîyasî yê Rojhelatê Kurdîstanî grevo pêroyî yê Rojhelatê Kurdîstanî serkewte îlan kerd û vat: “No grevo pêroyî, yewbîyene û hişmendîya sîyasî yê komelê kurdî nîşan dano.”
Îtîfaqê Hêzanê Sîyasîyan ê Rojhilatê Kurdîstanî derheqê çalakîyanê serrgêra çarîne ya têkoşîna “Jîn, Jîyan, Azadî” û grevê pêroyî ya Rojhilatê Kurdîstanî de eşkerayîyêka nuştekî vila kerde.
Eşkerayîya Îtîfaqê Hêzanê Sîyasîyan ê Rojhilatê Kurdîstanî wina ya:
‘Sere berz û xoverdayox ê Kurdîstanî!’
Serrgêra çarîne ya şehadetê Jîna Emînî de, yadkerdena şehîdan û destkewteyanê têgêrayîşê ‘Jîn, Jîyan, Azadî’, grevê pêroyî ya 16ê êlule sey cewabêk qerardar bi serkewteyî ameye kerdene.
Grevê pêroyî demo ke ameye kerdene ke Komara Îslamî ya Îranî pêro îmkanê xo yê eskerî û asayîşî seba peyde gam eştena şaranê Kurdîstanî ters û tehdîdanê cîya cîyayî serê bazar û şarî de xebitnayî bîyî. Mîyanê nê şert û mercan de, şarê Kurdî, dikandar û bazarwanan bi îradeyêko xurt cewab da rejîmê Îranî.
Çîyo muhîm oyo ke bi desan partîyê sîyasî, rêxistinê cinîyan û komelê sîvîlî yê Kurdîstan û Îranî paştî daya nê vengdayişî. Tewrbîyayîşê girewteyanê sîyasîyan a rojeyê vêşanîye zî nîşan da ke pîya xebat û xoverdayena vera Komara Îslamî ya huşke, têkoşînêko xurt ameyo dayene.
Serkewtişê nê têkoşînê sîvîlî nîşaneyê asta zaf berzî ya berpirsîyarîya komelî, hişmendîya sîyasî, yewbîyena neteweyî û redkerdişê polîtîkayanê tepiştiş, ciyakerdene û dardekerdişî ya şarê Kurdî ya. Na rewşe îspat kena ke hêzê sîyasî û şarê Kurdî yewbînî ra anêbirînê. Na kûrîya têkildarîye seba domnayişê têkoşînî û gamanê meşruyan sermayeyêko pîl ê sîyasî û komelî yo.
Îtîfaqê Hêzanê Sîyasîyan ê Rojhilatê Kurdîstanî, rêz û hurmetê xo xoverdayişê netewa Kurdî rê û seba yewbîyena înan a ke grevê 16ê êlule de ameyê kerdene rê, spasîya xo pêro kesayetanê sîyasî, akademîsyen û nêz ra partîyê sîyasîyê Belûç, Tirk, Faris, Tirkmen û Ereban re kerde. Na hemkarî û paştîdayişa hîra, nîşaneyê vindertena xurte rayberîyêka rastîya.
Hêzê sîyasî yê Kurdîstanî, hetê waştişanê komelî ra temsil û vengê komelî bîyayene reyde girêdayîşê xo newe kerde û vat ê no îtîfaq û pîya karkerdişî temînatê serkewtişê rojanê amayoxan vînenê.”
