Çarçewaya pawitiş û averberdişê ziwanê kurdkî de şaristanê Qamişlo de bi sloganê ‘Seba ziwanê ma seba ameyoxê ma’ konê çalakîye ame akerdene.
Badê qerarê 27ê tebaxe yê sînorkerdişê Ziwanê Kurdkî vengê nerazîbîyayîşê vera nê qerarî çiqa şino berz beno. Dewamkerdişê çalakî û nerazîbîyayîşan de, mamoste, wendekarî û sazgehê komelî heqê şarê kurdî seba musayîş û perwerdeyê bi ziwanê dadî pawenê.
Çarçewaya çalakîyanê seba ziwanê dayîke de şaristanê Qamişlo yê Rojavayê Kurdîstanî de wendekar û keyeyê înan seba pawitişê heqê wendiş û musnayîşê bi Ziwanê Kurdkî û vera qerarê sînorkerdişê ey, verê bînaya Neteweyanê Yewbîyayan de kona çalakî akerde û do çalakî di rojan dewam bikero.
Wendekaranê ke tewrê çalakîye bîye dîyar kerd ke ey qerarê sînorkerdişê ziwanê kurdkî bi temamî red kenê û vanê heta qerar tepîya bêro giretene do çalakîya xo dewam bikerê.
