DEM Partî reaksîyon da destbendkerdişê zaf kesan ke mîyanê înan de Hemserekê Pêroyî yê Partîya Ronayîşê Neweyî yê Sosyalîstî (SYKP) Melîh Mertcan Tîtîz zî est o û bale ante ke ziwanê haştîye û teda nêeşkenê kişta yewbînan de vindê.
Partîya Seypêyî û Demokrasî ya Şaran (DEM Partî) eşkerayîya xo ya nuştekî de bale ante ke no demo ke haştî û çareserîya demokratîke tede yenê munaqeşekerdene, tarîxî yo û bêvengkerdişê sîyasetmedar, nuştox, rojnameger û pawitoxanê heqan nêyeno qebulkerdene: “Ma reyna anê vîrê îqtîdarî: ramitişê Prosesê Haştî û Komelê Demokratîkî bi hawayêk ke hetêk ra behsê haştîye beno, heto bîn ra warê demokratîkî teng beno, hetê komelî ra bawerker û emnîyetdayox nêbeno. Ziwanê haştîye û pratîkê teda nêeşkenê kişta yewbînan de vindê. Rayîrê Tirkîyayêk ke 86 mîlyon hemwelatîyê ma tede bi haştî û biemnîyet ciwîyenê, huqûq, demokrasî û azadîyêka zêdeyêre ra vîyareno.”
Kongreya Şaran a Demokratîke (HDK) zî waşt ke destbendkerdeyî bilez bêrê veradayene.
